Џејк Пол се понуди да организира бокс меч меѓу Вил Смит и Крис Рок откако на доделувањето на Оскарите, Смит му удри шлаканица на Рок.
Пред да ја освои наградата за најдобар актер за улогата во „King Richard“, Смит му удри шлаканица на Рок, кој се пошегува со фризурата на Џејда Пинкет Смит.
Јутјуб ѕвездата Џејк Пол, кој има резултат од пет победи како професионален боксер, брзо реагираше на инцидентот.
Во објава на Twitter, тој понуди 15 милиони долари за Вил Смит и 15 милиони за Крис Рок ако се спремни за бокс меч, во август.
Пол не е единствениот од боречкиот свет кој реагираше на инцидентот. На Twitter се огласи и претседателот на УФЦ, Дејна Вајт, кој се пошегува дека ова е „конечно Оскар вреден за гледање“.