Вкусен и мек колач кој се прави со палента.
Пробајте го овој едноставен колач на кој глазурата му дава прекрасен вкус.
Состојки:
250 гр. путер
250 гр. шеќер
4 јајца
100 гр. брашно
150 гр. палента
Пола лажичка прашок за пециво
Рендана кора од портокал
100 мл. сок од портокал
Половина исцеден лимон
Девет лажици шеќер во прав
Начин на подготовка:
Загрејте ја рерната на 190 степени и обложете го тавчето со хартија за печење.
Во сад изматете путер и шеќер. Додајте јајца, едно по едно и матете уште малку.
Во смесата додајте брашно, палента, прашок за пециво и рендана кора од портокал.
Ставете ја смесата во тава и печете 25-30 минути, а потоа со помош на чепкалка направете неколку дупчиња низ целиот колач.
Во сад измешајте сок од портокал и лимон со три лажици шеќер во прав, па половина од таа смеса истурете ја преку колачот.
Оставете да се излади, а потоа во остатокот од шеќерот во прав додајте ја останатата половина од преливот и со лажица истурете преку колачот, па послужете.