Полов напад бил извршен врз 12-годишно девојче во скопската населба Капиштец, во петокот.
Како што соопшти МВР, во петокот околу 19:30 часот додека девојчето возело велосипед по булевар „Митрополит Теодосиј Гологанов“ и улица „Анкарска“ застанало до едно непознато машко лице, кое се движело пеш, на возраст од околу 40 години, и му побарала 20 денари. Сторителот и рекол дека ќе и даде, но дека треба да појде со него до блиската гаража, на што истата се согласила. Наместо 20 сторителот и дал 500 денари и ја однел во гаражата каде го извршил половиот напад, по што заминал и и рекол да не кажува никому.
Се преземаат мерки за целосно расчистување на настанот.
