Бејли Мекбрин поминала месеци игнорирајќи необичен симптом кој на крајот се покажал како знак за рак на дебелото црево.
Кога имала 24 години ѝ бил дијагностициран рак на дебелото црево во трет стадиум.
Оваа медицинска сестра знаела дека нешто не е во ред бидејќи подждригнувала и по десет пати на ден, што никогаш порано не ѝ се случило.
Иако првично го игнорирала овој симптом, кога се појавиле други симптоми како гадење и повраќање, знаела дека треба да оди на лекар.
„Во почетокот не го поврзував подждригнувањето со рак на дебелото црево, мислев дека сум јадела нешто што не треба и затоа го имам овој симптом. Но, кога се појавија други непријатни предупредувачки знаци, како гадење и често повраќање, сфатив дека се работи за нешто поопасно“, откри Мекбрин.
Набргу по дијагнозата, таа беше подложена на операција за отстранување на дел од дебелото црево и зафатените лимфни јазли. Таа, исто така, има завршено 12 недели хемотерапија и моментално ги чека резултатите за лекарите да ги одредат следните чекори во нејзиното закрепнување. Таа истакна дека никогаш не би го сметала подждригнувањето за симптом на рак.
„Тоа е нешто што толку лесно се отфрла бидејќи симптомот е всушност чест, но за мене тоа укажа на рак. Научив дека сите појави што не се случувале порано се начин на нашето тело да ни каже дека нешто не е во ред“, додаде медицинската сестра, на која лекарите ѝ кажале дека подждригнувањето е еден од најчестите симптоми забележани кај младите луѓе со рак на дебелото црево.
