Една од најпознатите спортски новинарки во светот, Дилета Леота, откри дека се верила додека била бремена, а во објавата наведе зошто заедно со Лорис Кариус ја криеле среќната вест.
Дилета и Лорис во август станаа родители на Арија, а судејќи по фотографиите што ги објавија, двојката се верила непосредно пред тоа.
„Морам да ви кажам нешто. Реков да!“, напиша новинарката заедно со фотографиите на кои гордо го покажува свршеничкиот прстен.
Таа откри дека таа и Лорис сакале да уживаат во емоциите од раѓањето на Арија и затоа чекале неколку месеци за да ја објават среќната вест.
„Сега сме подготвени заедно, како семејство, да се посветиме на оваа наша нова голема цел! Ја знаете фразата ‘Кога сте среќни, обрнете внимание на тоа’, во моментот на овие фотографии јас бев најсреќната жена на светот, со Лорис и со пристигнувањето на Арија“, напиша Дилета.
Дилета и Лорис во ноември минатата година потврдија дека се во врска. Тогаш папараците ги снимија додека се шетаат низ Милано држејќи се за рака.
На почетокот на 2023 година, таа објави клип на TikTok што доведе до тоа многу обожаватели да шпекулираат за нејзината бременост, а веста ја потврди во март. Таа ја роди ќерката Арија на нејзиниот роденден - 16 август.