Славниот актер и комичар Џим Кери го коментираше драматичното доделување на Оскарите, изјавувајќи дека да беше тој на местото на Крис Рок ќе го тужеше Вил Смит за 200 милиони долари.
Во текот на вклучувањето во емисијата CBS Mornings Џим Кери се осврна на изминатите настани во текот на доделувањето на Оскарите. Истакна дека за разлика од Крис Рок, кој одби да поднесе пријава против Вил Смит кој пред сите му удри шлаканица, тој би реагирал сосема поинаку и веднаш би ги презел работите во свои раце.
„Веднаш утредента би го тужел Смит за 200 милиони долари. Тоа видео ќе постои засекогаш, таа навреда ќе трае многу долго“, смета Кери.
Актерот вели дека Смит по инцидентот на бината требал да биде испратен од обезбедувањето или дури и да биде уапсен.
„Не може да викате од публика за да покажете неодобрување или да напишете нешто на Twitter, што и да е. Немате право да излезете на сцена и да удрите шлаканица некому поради изречени зборови“, упорен е Кери.
Тој смета дека Рок одбил да поднесе пријава за да избегне дополнително малтретирање, а и јасно даде до знаење дека му се „лоши“ од громогласниот аплауз што Смит го доби по неговиот потег.
„Ми се слоши од тие овации. Холивуд делуваше како безрбетник и навистина почувствував дека ова е јасен показател дека повеќе не сме кул“, објасни Кери.
Тој смета дека овој „себичен“ напад дошол од нигде никаде.
„Вил имаше некаква фрустрација во себе. Му посакувам сè најдобро, навистина. Немам ништо против него, тој има направено големи нешта. Но, тоа навистина не беше добар момент“, смета славниот комичар.
