Доаѓа Марс во Девица, а астрологот Нина Николовски за Mondo открива што можеме да очекуваме.
Марс е акција, мотив, конфликт, енергија, пенетрација, а кога ќе се најде во овој знак, време е да се справиме со обврските.
Марс во Девица ќе трае од 10 јули до 27 август 2023 година и најдобро ќе делува на три подзнаци од хороскопот.
Сепак, според астрологот Нина Николовски, прецизните предвидувања најдобро се гледаат преку наталната карта, но доколку ве интересира што носи овој период, фокусирајте се на вашиот подзнак.
„Влегувањето на Марс во Девица ќе биде добро за оние кои се Бик, Девица или Јарец во подзнак, бидејќи им прави убав аспект. Марс може да донесе убави промени. За Биковите тоа е одличен период за заљубување, промена на емотивниот статус, излегување на состаноци. Ќе имаат многу убави моменти, ќе имаат движечка енергија. Ова е идеален период за спортување. Ќе имаат многу повеќе страст и ентузијазам да направат нешто, совет е да се посветат на своите хобија. Девиците исклучиво ќе се занимаваат со себе, со својот физички изглед и ќе работат на себе“, вели астрологот и додава:
„Оние кои се Јарец во подзнак може да имаат добар период за патување, за некоја активност поврзана со странство, но треба да внимаваат на границите, односно да се погрижат да ги имаат готови сите документи. Сепак, имаат убави аспекти во однос на самите случувања по пат. Ова е движење за да се заврши сè што е недовршено, ќе донесе многу среќа со завршните испити на факултет“, открива астрологот Нина Николовски.
Сепак, оние кои се Стрелец, Риби или Близнаци во подзнак, треба да бидат внимателни.
„Марс во Девица прави лоши аспекти. Оние во подзнак Стрелец треба да внимаваат на работа, да не влегуваат во конфликти со претпоставените, да избегнуваат лоши ситуации и добро да си ја вршат работата. Не е поволен период за започнување нови работни места. Луѓето родени во подзнак Близнаци не треба да се караат со домашните Енергијата можат да ја насочат кон реновирање на станот, но пред да почнат трипати да ги проверат сите детали за да нема доцнења, проблеми или непредвидени околности“, предупредува астрологот Нина Николовски и додава:
„Родените во подзнак Риби треба да ја спуштат топката кога станува збор за партнерството, за да нема спорови во бракот. Доколку потпишат некакви документи, треба внимателно да проверат сè. Можеби ќе одат на некој судски случај чиј исход ќе биде во корист на други луѓе, па и таму треба да внимаваат“, истакнува астрологот.