Важно е да спиеме седум до осум часа ноќе. Во спротивно, ризикуваме замор и го зголемуваме ризикот од болести како што се мозочен удар и дијабетес, предупреди д-р Ерик Берг на својот канал на YouTube.
„Кога се одмараме, нашите тела закрепнуваат, согоруваме најмногу масти, го детоксицираме телото и мозокот“, набројува д-р Берг.
Д-р Берг продолжува да објаснува дека кога не спиеме доволно, се јавува симпатичка хиперактивност.
„Симпатичкиот систем работи кога не спиеме. Тогаш имаме повеќе адреналин и повеќе кортизол, а надбубрежните жлезди работат понапорно. Премногу активниот симпатички нервен систем може да нè држи будни, но недоволно сон или преоптоварување на симпатичкиот систем, го оптоварува срцето“, рече тој.
Тој предупреди дека недостатокот на сон го отежнува и слабеењето.
„Ако држите диета и вежбате, но не спиете доволно, го губите времето“, заклучи тој во видеото.
