Лука Дончиќ испиша НБА историја.
Словенецот на Бадник постигна 50 поени во победата над Хјустон, на Божиќ постигна 32 во победата против Лејкерс, а синоќа отиде чекор понатаму во победата на Далас Маверикс против Њујорк Никс на домашен паркет.
Словенецот постигна 61 поен за гостите, забележа 21 скок и додаде 10 асистенции. Трипл-дабл учинок со 60 поени и 20 скока не е виден во историјата на најсилната кошаркарска лига во светот, а Дончиќ го собори рекордот во кариерата во поени. Тој го подобри својот претходен рекорд за девет.
На четири секунди до крајот на четвртата четвртина Никс имаа два поени разлика, а Дончиќ изведе едно слободно фрлање. Намерно промаши, ја фати топката и постигна кош во продолжението. На крајот Далас победи со 126:121, а Дончиќ го запиша 53-от трипл-дабл во кариерата. Пред него има само девет играчи во историјата на НБА, иако 23-годишниот Словенец ја игра само петтата сезона во кариерата.
На само 33,9 секунди до крајот на последната четвртина, Тексашаните губеа со девет поени разлика, но тогаш Дончиќ постигна шест од последните 12 поени за својот тим во регуларниот дел, додека Никс постигнаа само три поени.
По натпреварот, Словенецот изјави: „Преуморен сум, ми треба пиво за да се опоравам“.