Џорџ Клуни неодамна за медиумите зборуваше за своето семејство, а една изјавата за сопругата Амал особено ги насмеа новинарите.
Имено, актерот, кој во 2014 година се ожени за адвокатката за човекови права Амал Аламудин, изјави дека нејзините вештини во кујната не се ни блиску до нејзината стручност на суд.
„Мојата сопруга, која е брилијантен адвокат и еден од најголемите адвокати во светот, но подобро е јас да готвам за да не умреме сите“, вели Клуни во интервјуто.
Поради ова новинарот го прашал што планира да има на менито за време на празниците, а тој му рекол дека годинава ќе подготви мисирка.
Уште една работа ги изненади новинарите. Имено, Клуни откри дека неговите деца немаат поим што тој работи. Заедно со сопругата Амал ги има 6-годишните близначки Ела и Александра.
Инаку, медиумите неодамна објавија дека Клуни го продава својот имот на езерото Комо за 10 милиони долари бидејќи наводно му пречат папараците. Сепак, тој набрзо им откри на медиумите дека тоа не е вистина.