Многуна сметаат дека најдобар доручек е оној со тост, јајца, сланина или пак различни видови на мусли. Но, салатата и тоа како може да биде одлична за почеток на денот.
Постои зеленчук кој е богат со хранливи остојки, антиоксиданси и влакна, па поради тоа е совршен за доручек. Не само што го намалува ризикот од срцеви заболувања, туку и ви помага да ја подобрите концентрацијата во текот на работниот ден.
Нашиот предлог е доручек-салата од кељ, сланина и варени јајца.
Потребни состојки:
1 главица кељ
1/2 црвен кромид
1 чаша шери домати (исечкани на половина)
3 подолги парчиња сланина
3 јајца
3 лажици сок од лимон
4 лажици маслиново масло
1,5 лажица мед
1,5 лажица сенф
100 гр сушена брусница
сол и бибер по вкус
Подготовка:
Сварете ги јајца (точно седум минути), извадете ги од врелата вода и потопете ги веднаш во ладна. Во меѓувреме, испржете ги парчињата сланина во тава и потоа исечкајте ги на ленти.
Исплакнете и исушете го кељот, со нож отстранете ги долните краеви и потоа исечкајте го.
Сланината и исечканиот кељ ставете ги во сад.
Во посебен сад ставете сок од лимон, маслиново масло, мед, сенф и сол, а потоа оваа смеса истурете ја над кељот и сланината.
Излупете ги јајцата, пресечете ги на половина, додадете ги во садот и измешајте сè.