Владејачката албанска партија Демократска унија за интеграција (ДУИ), засега нема дефинитивен став дали дали да се оди на избори на 5-ти јуни, а портапролот на ДУИ, Бујар Османи, во изјава во вторникот рече дека за партијата е примарно да се дојде до решение за излез од кризата, преку консензуален договор меѓу партиите.
„Единствено решение за излез од кризата е консезуален договор помеѓу партиите за Договорот од Скопје, односно од Пржино. Сметаме дека нема еднострани решенија за излез од кризата – кое и да е решение, дали преку избори или на друг начин, мора да ги опфати сите страни во процесот, во спротивно, влегуваме во нова криза“, вели Османи во изјавата за Телма.
Според ДУИ, со обидите за поништување на Договорот од Пржино, а особено со одлуката за аболиција, е создадена нова ситуација на сомнеж во кредибилни изборите.
Сметаат дека нема друг излез освен партиите да седнат на заедничка маса и да се најде решение, без разлика дали тоа ќе биде во формат на лидерска средба или некоја друга форма на договор.
Ако до тоа не дојде, тогаш ДУИ, вели Османи, ќе ја преиспита своја политика по ова прашање - одлуката ќе ја врати на базата.
Пред неколку дена лидерот на ДУИ, Али Ахмети, го отвори сомнежот за учество на неговата партија на избори, кога во одговор во интервјуто за австриски „Стандард“, на прашањето за изборите на 5-ти јуни, вели: „Кои избори? Се шегувате?“, додавајќи дека избори без учество на опозицијата значи дека не се исполнети сите услови, а тоа дополнитено може земјата да ја воведе во криза.
