Дури единаесет фудбалери на Ајакс се заразени со коронавирус ден пред натпреварот од 3. коло во групата Д од Лигата на шампиони против Митјиланд во Хернинг, Данска, објави De Telegraf.
Весникот не ги објави имињата на заразените, но пишува дека за патувањето во Данска не „конкурирале“ Тадиќ, Класен, Онана, Гравенберх и Стекеленбурх, што имплицира дека тие се меѓу заразените.
Ајакс објави само дека денеска сите фудбалери ќе поминат уште еден тест за COVID-19, а наводно за Данска отпатувале само 17 фудбалери.
Ајакс по две кола има само 1 бод, а данскиот состав е без бодови.