За силен имунитет, особено во зима, на прво место е разновидната исхрана богата со витамини и минерали. Кои витамини се најважни за подобар имунитет во текот на зимските месеци?
Потрудете се во текот на зимата да јадете што повеќе протеини и храна богата со витамин Д, кој е неопходен за регулирање на имуниот систем, за раст и развој, за здрави коски и други процеси во телото.
Нашата кожа го произведува под влијание на сонцето, а во текот на зимските месеци го нема доволно, па мораме исхраната да ја збогатиме со лосос, сардини, туна. Освен во рибата, витамин Д има во јајца, јунешко месо, телешки џигер, млеко.
Исто така, пожелно е да го зголемите внесувањето на витамин Ц со што ќе го подобрите имунитетот и ќе овозможите апсорпција на железо. Најмногу го има во лимон, портокали, грејпфрут, киви, брокула, карфиол, пиперка, зелка, прокељ.
Трудете се овие намирници да ги јадете свежи. Еден портокал ќе ви овозможи околу 60% од дневната потреба за витамин Ц.
Голема улога има и минералот цинк, најмногу е застапен во црвеното месо, јајцата, млекото, житарките, спанаќот, семки од тиква, лен и сончоглед, ореви, бадеми и слично.
