Двојник на американската акциона ѕвезда Чак Норис во упадот во Капитол, ги збуни обожавателите на глумецот и стана еден од хитовите на социјалните мрежи.
Имено, некои твитерџии навистина поверуваа дека Чак Норис учествувал во упадот, па менаџерот на актерот, Ерик Крицер мораше да го демантира тоа. Се работи за човек што личи на него.
– Ова не е Чак Норис, иако сака да биде како него. Чак е на својот ранч во Тексас со семејството, изјави Крицер.
Претходно се јавија и многу обожаватели на глумецот кои, секако, знаеја дека не станува збор за него.
