Неверојатно моќен зачин кој штити од болести, а особено е ефикасен доколку се меша со млечни производи. Каранфилчето прави чуда против паразитите.
Еден ароматичен зачин може да помогне во заштитата на телото од паразити, открија експертите. Едноставното џвакање сушено каранфилче на празен стомак му помага на телото да се бори со овие напаѓачи, ја намалува киселоста на телото и го освежува здивот. Се препорачува секое утро да џвакате 3-4 парчиња од овој зачин, додека целосно не го раситните, и тоа на празен стомак.
„Бидејќи сите ние имаме паразити во нашите тела, суштината е да не им дозволиме да се размножуваат. Во тоа многу помагаат сувите каранфилчиња кои ги отстрануваат цистите (форма во која може да се појават микроорганизмите)“, објасни нутриционистката Јулија Шарова.
Според неа, мешавината од сушено каранфилче со млечни производи ќе ги заштити децата од таложење на слуз во телото. Треба да сомелете неколку каранфилчиња во прав, а потоа да го додадете во млечен производ и да го изедете.
„Млечните производи предизвикуваат таложење на слуз во организмот. Слузта е одлична почва за размножување на вируси, габи и бактерии. На пример, децата често јадат сладолед во лето. Слузта се акумулира во телото во текот на летото. Наесен се создава поволна средина за ослободување на слуз која предизвикува течење на носот, кашлица итн. Но, важно е да се знае дека постои 'противотров' за млечните производи. А тоа е каранфилчете. Ве советувам во млечните производи да додадете неколку прстофати сечкано каранфилче за да го активирате дејството на противотровите во организмот“, вели Шарова.
Претходно американските научници потврдија дека каранфилчето има и антисептично дејство. Етеричните масла од каранфилче имаат благотворно дејство не само на гастроинтестиналниот тракт, туку и го спречуваат ширењето на вируси и бактерии во назофаринксот, кои предизвикуваат болки во грлото, стоматитис и други болести.
