Сите знаеме колку е важна хигиената на спиењето за подобар сон. Сепак, една вообичаена активност пред спиење може да ви го скрати животот.
Едно ново истражување покажа дека навиката која многу луѓе ја практикуваат пред спиење може да им го скрати животниот век.
Американската национална академија на науките (НАС) во своето стручно списание ги објави резултатите кои тврдат дека спиењето со вклучен телевизор го зголемува ризикот од срцеви заболувања и дијабетес.
Студијата спроведена на Универзитетот „Нортвестерн“ во Чикаго истакна дека изложеноста на „амбиентално осветлување“, односно светлина од телевизорот за време на спиењето, може да му наштети на кардиоваскуларниот систем и да ја зголеми отпорноста на инсулин.
„Резултатите од ова истражување покажуваат дека само една ноќ изложеност на умерена светлина може да ја наруши гликозата и кардиоваскуларната регулација, кои се фактори на ризик за срцеви заболувања, дијабетес и метаболички синдром. Важно е луѓето да ја избегнуваат или минимизираат количината на изложеност на светлина за време на спиењето“, објаснува д-р Филис Зи.
Исто така, студија од 2019 година во која учествувале повеќе од 40.000 жени покажа дека спиењето пред телевизор го зголемува ризикот од дебелина, што е поврзано со срцеви заболувања и дијабетес.