Единаесет лица, меѓу кои и едно бебе, загинаа при судир на два приватни авиони во мексиканската држава Дуранго, соопштија провинциските власти.
Несреќата се случила над мала воздушна патека во градот Галанситас, западно од Дуранго. Секретаријатот за државна безбедност изјави за AP дека авионите се судриле кога едниот авион полеталувал, а другиот слеталувал.
По судирот и двата авиона се запалиле. Во тек е истрага за причините за несреќата.
