Сте се наспале доволно, но сепак чувствувате дека немате доволно енергија во текот на денот? Веројатно има некои работи кои ги правите, а ви ја намалуваат енергичноста.
Станува збор за навики кои ги правиме во утринските часови веднаш по станувањето од кревет. На пример, веднаш по алармот решавате да полежите уште неколку минути бидејќи ви е убаво во постелата. Огромна грешка! Станете веднаш инаку цел ден ќе ја барате постелата.
Некои наутро се тушираат и така го будат организмот. Навистина дејствува, но не се препорачува тоа да ви стане навика. Причина: со честото туширање сапуните и шампоните не ѝ оставаат на кожата да ги задржи оние телесни масти кои ве штитат од бактериите. И наместо бактериите да останат на кожата, ќе влезат во вашето тело и потоа тоа ќе треба да се бори со нив, а секоја борба троши енергија.
Пиете кафе пред 9 часот наутро? Уште една грешка. Од 8 до 9 часот наутро е периодот кога човечкото тело најмногу лачи кортизол, кој е хормонот задолжен за стрес. За време на неговиот пик доколку му додадете и кафе, само ќе го засилите стресот, а стесот ја одзема енергијата.
Вежбање по станување од кревет? Може, но само доколку е лесен тренинг. Доколку се истоштите по станувањето, готово, сте го загубиле денот.
