За првпат по 80 години Египет за јавноста ја отвори фасцинантната античка гробница во Сакара, близу Гиза.
Со цел да се зголеми туризмот во земјата Египет ја отвори гробницата наречена Меху, откриена во 1940 година. Меху живеел во периодот на кралот Пепи и имал 48 титули, опишани на ѕидовите на гробницата. Меѓу другото, тој бил одговорен во палатата на кралот Тити, првиот крал од шестата династија, објаснуваат египетските археолози.
Станува збор за семејна гробница на татко, син и внук. Во неа има детали за Меху, неговиот син Мерен Ра и внукот Хетеб Ка.
