Научник од Светската здравствена организација изнесе шокантни тврдења за можен нулта пациент заразен со коронавирусот.
Доктор Питер Бен Ембарек од СЗО, кој ја предводеше меѓународната комисија во текот на посетата во Вухан, тврди дека можен нулта пациент е работник од лабораторија во Вухан кој се заразил од лилјак додека собирал примероци на терен.
„Работник кој се инфицирал на терен додека земал примероци е една од можните хипотези“, објасни Бен Ембарек за данската телевизија TV2.
„Во тој момент можно е да дошло до премин на заразата од лилјак на човек. Во тој случај работникот од лабораторијата би бил заразен, а не некој случаен жител или некој личност кој е во постојан контакт со лилјак“, додаде тој.
Ембарек ваквата процена ја даде во еден од навистина ретките медиумски настапи кои ги имаше досега. Смета дека работникот можел да се зарази или во текот на теренска работи или во текот на лабораториска работа. Иако СЗО тврдеше дека е мала веројатноста за ваков развој на ситуацијата, Емабрек смета дека е веројатен.
Тој нагласи дека експертие на СЗО не пронашле директни докази за избивањето на пандемијата поврзано со истражувањата во лабораториите во Вухан.
Но, откриле работи кои би требал дополнително да се истражат. Меѓу нив е и оној вид лилјак за кој се верува дека потекнува вирусот, а не може да се најде во регионот на Вухан, но луѓето работеле на истражување на овој вид лилјаци токму во лабораториите.
Тој изнесе уште еден интересен податок што досега не беше познат на јавноста. Ембарек вели дека втората лабораторија под контрола на кинескиот Центар за заразни болеста е отворена на 2 декември 2019 година, оддалечена само 500 метри од пазарот за кој се верува дека е извор на пандемијата.
Тој вели меѓународната комисија којашто престојувала во Вухан немала директен увид во документите од лабораториите туку виделе само презентација. Имало и интензивни преговори со Кинезите за тоа што би можело да стои во конечниот извештај на комисијата.
Заклучоците на крајот биле сведени на четири можни исходи и извори на пандемијата: или лилјак директно инфицирал човек, или човек бил инфициран со производ заразен со вирусот преку лилјак, или лилјак инфицирал друго животно или тоа почнало во една од лабораториите во Вухан, за што подоцна е напишано дека е исклучително малку веројатно.
Ембарек тврди дека тоа било компромис со кинеската страна.
Кина категорично ја отфрли можноста ширењето на вирусот да има врска со лабораториите во Вухан.
Пред само неколку месеци СЗО јавно ја отфрли можноста дека вирусот потекнува од кинеска лабораторија.