Една нова студија од болница во Шангај понуди корисни совети за паровите кои сакаат да имаат деца.
Паровите кои се обидуваат да имаат дете по природен пат, треба почесто да имаат секс во периодот на овулација, тврдат научниците.
Врз основа на истражувањето, откриено е дека спермата на мажот три часа по неговиот прв оргазам била посилна од онаа во првиот круг. Тогаш сперматозоидите пливаат побрзо и има поголеми шанси за оплодување на јајце-клетката поради огромниот број на протеини во спермата, пренесува Daily Mail.
Користењето сперма која се создала помалку од 180 минути откако мажот го доживеал последниот оргазам, ја зголемува стапката на успех на ин витро оплодување за една третина.
Д-р Да Ли, која ги водела истражувачките проекти, вели дека е погрешно да се верува дека на мажот му се потребни од 24 часа до 36 часа за да ја надополни спермата по ејакулацијата.
„Пред многу години, на мажите обично им се советуваше да ја ограничат сексуалната активност за да ги зголемат шансите за бременост“, изјави таа за Mirror.
Така таа заклучила дека паровите треба почесто да имаат односи за време на периодот на овулација на жената.
