Поранешниот грчки премиер Лукас Пападимос, неговиот возач и уште едно лице се повредени кога се активирал експлозив скриен во коверт, пренесуваат грчките медиуми.
Експлозијата била активирана во моментот кога автомобилот во кој се наоѓал Пападимос се движел.
Повредените веднаш се пренесени во болницата Евангелисмос во Атина. Како што пренесува грчката агенција „АНА“, Пападимос моментално е на операција поради повреда на абдоменот, а има и повреда на ногата. Полицијата веднаш го блокирала местото на експлозијата.
Пападимос беше на чело на грчката влада од ноември, 2011 до мај, 2012 година.
Беше избран за премер привремено, како независен кандидат до изборите во март 2012 година. Претходно тој беше на челон на Народната банка на Грција и беше потпретседател на Европската централна банка.