На изборите за градоначалник на градот Пуерто Лопес во Еквадор победи кандидатот Омар Менендес, кој беше убиен само неколку часа пред отворањето на гласачките места.
Вооружени напаѓачи упаднале во просториите на неговата партија во саботата и го убиле Менендес и уште еден малолетник, јавува BBC.
Полицијата во Пуерто Лопес соопшти дека сѐ уште го истражува можниот мотив за нападот.
Се очекува член на партијата на која ѝ припаѓа Менендес да го замени убиениот политичар на местото градоначалник.
Менендес не беше единствениот политичар што беше убиен во пресрет на изборите. Две недели претходно беше убиен и кандидатот за градоначалник на крајбрежниот град Салинас, Хулио Сесар Фарасио.