Милиони луѓе во Порторико живеат во мрак откако ураганот Марија ја зафати нивната територија и им го урна дотокот на струја. Само 9% од населението на островот има струја.
Претседателот на „Tesla“, Елон Маск, смета дека соларниот генератор на неговата компанија би можел да биде решението за енергетската криза во Порторико.
„Тимот на ‘Tesla’ има инсталирано вакви генератори на помали острови низ светот, но не постојат информации дека би претставувало проблем доколку се посветиме на поголем остров каков што е Порторико. Јас велам дека е изводливо“, рече Маск, притоа напоменувајќи дека одлуката зависи од властите на Порторико.
Соларната единица на „Tesla“ би можело комплетно да ја измени енергетската политика на островот, земајќи во предвид дека моментално Порторико увезува гориво кое го гори за да произведе електрична енергија.
Населението во Порторико плаќа огромни сметки за струја, според некои извори и до 250 долари месечно.
Имплементирањето на соларниот систем на „Tesla“ не само што ќе го реновира комплетно енергетскиот систем на островот, туку и значително ќе ги намали сметките за струја во Порторико.