Манекенката Емили Ратајковски последниов месец ја шокира јавноста со своите искрени откритија во книгата „Моето тело“ (My Body).
Ратајковски откри дека кастинг агент ѝ дал подли коментари за нејзините фотографии додека сè уште била во средно училиште.
Во својата нова книга „Моето тело“, Ратајковски, која почнала да работи на 12 години, пишува и дека била „премногу секси“ кога имала само 13 години.
„Бев дете... но некако веќе бев експерт за откривање на скриените машки желби во тоа време, дури и и ако не разбрав целосно што да правам во врска со тоа“.
Пишува и дека ѝ дошло преку глава од тоа да биде „секс симбол“ и дека е згрозена од објективизацијата од машките колеги во модната индустрија.
Во книгата детално опишува како нејзините родители „се фокусирале“ на нејзиниот изглед и како сакале да го искористат тоа.
„Никогаш не сум се молела многу... Но, се сеќавам дека се молев за убавина како млада девојка. Убавината беше начин да се биде посебен. Кога бев посебна, најмногу ја чувствував родителската љубов кон мене. Тоа им беше важно на двајцата, а особено на мајка ми, нивната ќерка да ја доживуваат како убава“.
Ратајковски се присетува и на еден инцидент во кој ја испратиле дома од училишна игранка на 13-годишна возраст затоа што била облечена „премногу секси“ - што ја налутило мајка ѝ.
Таа раскажува како плачела, додека мајка ѝ ѝ рекла: „Батали ги, ти немаш од што да се срамиш“.
