Вараздат Харојан, кој играше против Македонија на почетокот од месецов, ја стави фудбалската кариера во мирување за да ѝ помогне на својата татковина во војната против Азербејџан.
Дефанзивецот во моментов е слободен играч откако пред недела дена го раскина договорот со руски Урал. Деновиве тој се наоѓаше пред трансфер во грчка Лариса, но неговиот агент го известил клубот дека Харојан нема да им се приклучи бидејќи се пријавил како доброволец во ерменската војска.
Ерменските власти издадоа наредба сите полнолетни граѓани до 40 годишна возраст да бидат мобилизирани, а иако тоа не важи за фудбалерите кои се репрезентативци, 28-годишниот Харојан сам се пријавил.
Харојан на 5 септември играше во Скопје против Македонија кога неговата репрезентација загуби со 2:1. Воедно, тој е и капитен на Ерменија.
Арменија и Азербејџан се во војна поради регионот Нагорно-Карабах кој се наоѓа во непризнаената Република Арцах населена со Ерменци, но дел од Азербејџан.