Францускиот латерален дефанзивец нема планови да се врати на „Сантјаго Бернабеу“ откако по блескавите партии за Милан интересот за него се зголемува.
„Мислам дека сум во најдобрата форма во мојата кариера. Во Мадрид отидов многу млад. Тешко е кога немате минутажа... Не можам ни да замислам да се вратам таму, навистина сум среќен овде“, изјави Тео Ернандес говорејќи за El Transistor.
Тој дојде во Реал во 2017 година за 24 милиони евра од редовите на градскиот ривал Атлетико. Тогаш потпиша 6-годишен договор, но никогаш не се проби во првите единаесет иако беше дел од тимот кој ја освои Лигата на шампионите. Настапи на само 23 натпревари во двете сезони за Реал по што минатото лето за 20 милиони евра замина во Милан.
„Да би можел, би останал во Милан засекогаш“, додаде тој.
Во Милано се пронајде себеси. Под водство на Стефано Пиоли досега настапи на 54 натпревари на кои постигна 10 голови и притоа 9 пати асистираше. Сезонава одлично е вклопен со препородениот Милан кој е лидер во Серија А.
