Вулканот Етна еруптираше синоќа исфрлајќи пепел и лава над италијанскиот остров.
На објавените снимки се гледаат големи колони од пареа, пепел и лава кои излегуваат од југоисточниот кратер на најактивниот вулкан во Европа, издигнувајќи се над облаците, до висина од 4.500 метри.
Аеродромот во блиската Катанија останува отворен и покрај вулканската активност, иако вулканските ерупции често доведуваат до затворање на воздушниот простор во областа на вулканот.
Планината Етна, која се наоѓа над Катанија на Сицилија, има богата вулканска историја која датира од 1.500 години п.н.е., што го прави еден од најдокументираните вулкани во светот.
Во март 2017 година, 10 лица беа повредени за време на вулканска ерупција на Сицилија.
