Шефот на одделот BMW M, Френк ван Мел, потврди дека компанијата го зголемила производствениот капацитет на моделот M3 Touring поради огромната побарувачка во Европа.
Во изјава за BimmerToday, Ван Мел рече дека практичниот автомобил со високи перформанси стана многу популарен кај клиентите, па компанијата одговори со зголемување на производството. Сепак, времето на чекање беше дополнително продолжено, но охрабрувачки е што нема нумеричка граница на моделот.
„Ако сакате, нарачајте го сега. Побарувачката е огромна, дури и нè изненади. Мислам дека тоа е фантастичен автомобил и одличен додаток на семејството М. Го зголемивме производството поради побарувачката", рече Ван Мел.
M3 Touring е придвижуван од 3,0-литарски твин-турбо линиски шестцилиндарски мотор што се наоѓа и во седанот M3 и во M4 Coupe, кој развива 503 КС и 650 Nm вртежен момент. Забрзувањето од 0 до 100 км/час трае 3,6 секунди, додека максималната брзина е 280 км/час.