Разговорите преку Facebook Messenger наскоро би можеле да станат многу посигурни и би имале неколку интересни опции. Овие тајни „четови“ се енкрипирани и во моментот се достапни на мал број корисници кои ги тестираат, а добрата вест е дека дури ни Facebook не може да ги прочита.
Пораката што се испраќа, ќе може да се прочита од само еден уред, што е дополнително ниво на заштита. Ќе може да се постави и тајмер кој автоматски ќе ги уништува пораките.
Според најавите од Facebook, оваа опција ќе стане достапна во текот на летово. Мрежата многу вложува во дизајнот и имплементацијата на разните опции, а работат заедно со експерти за безбедност кој им даваат голема помош во развојот на решенијата, пишува на блогот на Facebook.
Со овој потег, мрежата ќе им овозможи на корисниците поголема приватност.