Кошаркарите на Денвер на домашен терен го победија тимот на Хјустон со 134:124, а уште еднаш одличен беше српскиот центар Никола Јокиќ, кој го забележа седмиот трипл-дабл оваа сезона во НБА.
Иако го пропушти претходниот натпревар поради болки во грбот, Јокиќ синоќа ги предводеше Нагетс до нивната деветта победа на домашен терен во исто толку натпревари.
Натпреварот го заврши со 32 поени, 15 асистенции и 10 скока, што му го донесе 112-от трипл-дабл во кариерата.
Зад него беше Портер, кој имаше 30 поени, 10 скока и пет асистенции, додека Мареј постигна 16 поени во враќањето во игра, откако пропушти 11 натпревари поради повреда.
Во редовите на Хјустон најдобар беше Грин со 26 поени, додека Сенгун додаде 22.
Инаку, Нагетс во првата четвртина постигнаа рекордни за сезоната 41 поен и имаа предност од 19 поени. Тие во ниту еден момент не загубија на овие натпревари, а по воведните четири минути постојано имаа двоцифрена предност.
Од другите натпревари одиграни синоќа, вреди да се издвои победата на Лос Анџелес Лејкерс на гости кај Детроит со 133:107.
