Меѓународната фудбалска федерација (ФИФА) го суспендираше репрезентативецот на Германија, Лирој Сане, за следните три меѓународни натпревари.
Крилниот напаѓач доби црвен картон на пријателскиот натпревар со Австрија, кога се обиде физички да се пресмета со Филип Мвене. Германците го загубија мечот во Виена со 2:0.
Сане ќе ги пропушти пријателските натпревари на репрезентацијата пред почетокот на Европското првенство чиј домаќин е токму Германија.
Германската фудбалска асоцијација соопшти дека ќе се жали на оваа одлука.
Доколку казната остане на сила, селекторот Јулиан Нагелсман нема да може да игра со Сане пред ЕУРО, а се очекува тој да биде еден од предводниците на тимот на завршниот турнир.
Германците досега договорија пријателски за мартовскиот прозорец кога прво на 23 ќе ѝ гостуваат на Франција во Лион, а три дена подоцна во Франкфурт ќе ја пречекаат Холандија. Според казната, овие два дуѕела ќе ги прошупшти Саме, како и уште еден во јунскиот прозорец за кога „Ди Маншафт“ сѐ уште нема закажано пријателски.
Германија го отвора ЕУРО 2024 на 14 јуни во 21 часот против Шкотска во Минхен и дури тогаш Сане ќе може повторно да игра за националниот тим.
