Саудиска Арабија ќе биде организатор на наредното издание на Светското клупско првенство, објави ФИФА, воедно информирајќи ја јавноста и дека од 2025 година форматот ќе биде променет со драстично зголемен број на учесници.
Клупскиот Мундијал годинава ќе се одржи во стариот период од 12 до 22 декември, а за домаќин ФИФА едногласно ја одбра Саудиска Арабија. За потсетување, и Светското клупско првенство 2022 се одржа овој месец, а беше поместено поради Мундијалот во Катар.
Воедно, ФИФА објави и дека од 2025 година дефинитивно клупскиот Мундијал ќе биде со променет формат и со драстично зголемен број на учесници - 32, како што првично беше одлучено на состанокот во декември.
На синоќешниот состанок ФИФА го одреди бројот на места која секоја конфедерација ќе ги добие на тој Мундијалот 2025:
- Азија - 4
- Африка - 4
- Јужна Америка - 6
- Океанија - 1
- Северна Америка - 4
- УЕФА - 12
- земјата домаќин - 1.