Министерот за здравство, Венко Филипче, јавно им се заблагодари на сите поединци и компании кои донираа пари и медицинска опрема помагајќи им на здравствените установи.
„Голема благодарност до сите компании, поединци, организации, институции, амбасади кои со донации во опрема, добра и парични средства даваат поддршка во напорите на здравствените институции за справување со состојбата со COVID-19 во земјата. На наменската сметка на Министерството за здравство за донации досега пристигнати се средства во висина од 59.300.000 денари. Донациите во опрема и добра вклучуваат медицинска опрема за потребите на Инфективната клиника, Клиниката за детски болести, Клиника за неврохирургија, КАРИЛ, како и за други здравствени институции“, напиша Филипче.
Упати и посебна благодарност до донациите извршени од страна на ЕУ и САД.
„Особена благодарност упатувам за потврдените донации од Европска Унија во вредност од 4 милиони евра и на САД кои преку УСАИД донираат 1,1 милиони американски долари за справување со коронавирусот“.
Филипче ја објави и целосната листа на донатори која можнете да ја погледнете со клик тука.
