Министерството за одбрана на Финска соопшти дека два руски борбени авиони Микоян МиГ-31 утринава навлегле во финскиот воздушен простор во близина на крајбрежниот град Порво. Упадот во финскиот воздушен простор се случил околу 6:40 часот, а авионите летале во насока запад.
Авионите навлегле во финскиот воздушен простор на длабочина од еден километар, појасни портпаролот на Министерството Кристијан Вакури.
Руската агенција Интерфакс, повикувајќи се на руското Министерство за одбрана, соопшти дека руската армија префрлила три борбени авиони Микоян МиГ-31Е опремени со хиперсонични ракети Кинжал во Калининград, руската енклава меѓу Полска и Литванија на брегот на Балтичкото Море.