Бројот на нови милијардери во САД и во светот лани се зголемил, како и нивното богатство, и покрај ситуацијата со пандемијата, покажа годинешната ранг листа на списанието Forbes на милијардери во светот.
Списокот веќе четврта година го предводи Џеф Безос, основачот на Amazon, со вкупна вреднот од 177 милијарди долари. Директорот на Tesla, Елон Маск, е на второ место со 151 милијарда долари.
Од Американците, во десетмината најбoгати луѓе во светот се и Бил Гејтс, основачот на Microsoft со 124 милијарди долари, и Марк Закерберг, основачот на социјалната мрежа Facebook, со 97 милиарди долари.
Потоа следи Ворен Бафет од корпорацијата Berkshire Hathaway, кој е на шесто место на листата најбогати луѓе во светот (96 милијарди долари), по него е Лари Елисон од Oracle Corporation, милијардер во областа на софтверот, со вкупна вредност од 98 милијарди долари. Веднаш потоа се Лари Пејџ и Сергеј Брин, основачите на Google со 91,5 односно 89 милијарди долари вкупно богатство.
На листата се наоѓаат и млади претприемачи кои во 2021 година станале милијардери, како 26-годишниот Остин Расел, кој го прекинал школувањето на Стенфорд за да основа своја компанија за автомобилски сензори Luminar Technologies. Од САД е и најстариот милијардер во светот, Џорџ Џозеф, тајкун во осигурителниот бизнис кој годинава наполни 99 години.
