Свет

Француските Евреи бегаат во Израел

21. ноември 2019 - 10:30 | Ф.З.

Најголемата еврејска заедница која живее во Европа е во Франција, но поради сѐ поголемиот замав на антисемитизмот во земјата таа се намалува бидејќи луѓето се иселуваат во Израел.

Евреите се голема заедница на териториите на Франција кога се населуваат уште во времето на прогонот од Римјаните од Палестина. Во 1791 година Евреите добиваат исти права како и Французите, а досега Франција имала три премиери кои биле Евреи, најистакнат меѓу нив Леон Блум.

Со почетокот на новиот милениум антисемитизмот во Франција доживеа кулминација. Инцидентите во кои жртви се Евреи драстично се зголемија што резултираше со тоа еврејското население повеќе да не се чувстсвува безбедно и сѐ повеќе и повеќе да се иселуваат во Ветената земја.

Токму во 2000 година започна Втората Интифада, како што ја нарекуваат Палестинците борбата за ослободување од израелската окупација на палестинските територии. Првата Интифада траеше од 1987 до 1993 година.

Во три наврата се случија поголеми инциденти во кои имаше и жртви. Во март 2012 вооружен маж возејќи скутер отвори оган врз ученици од еврејското училиште Озар Хаторах во Тулуз при што уби една наставничка и три деца.

Во јули 2014 за време на демонстрациите за поддршка на Палестина толпата извикуваше „Смрт за Евреите“. Шест месеци подоцна човек отвори оган на еврејски пазар при што уби четворица.

Иселувањето на Евреите од Франција и населувањето во Израел предизвикува домино ефект кој директно ги загрозува токму Палестинците. Израел има сѐ повеќе и повеќе Евреи за населување низ териториите кои Палестина ги нарекува свои. Палестинците ја добиваат битката низ светот, но ја губат на свој терен каде доаѓаат да живеат сѐ повеќе и повеќе Евреи.

Коментирај