Мостарското дерби помеѓу Вележ и Зрињски понуди сѐ што може едно градско дерби, но имаше и помалку пријатни сцени, меѓу кои неколку прекини и ситуација кога испукан огномет влета на теренот и за малку ќе удреше играч на Зрињски.
Во второто полувреме домашните навивачи, познатите Ред Арми Мостар, приредија пирошоу на трибините зад голот, но една од испуканите ракети отиде кон теренот и за малку ќе го погодеше хрватскиот напаѓач од редовите на гостите, Томислав Киш.
Проектилот буквално профучи пред неговата глава.
За среќа, тоа не се случи и натпреварот беше приведен во мирна завршница, а многу повеќе причини за радост имаа домашните кои славеа со 3:0.
@nogometnifanatik Red Army gađao Kiša raketama #redarmy #mostar #zrinjski #velež #ultrasi #hercegovina #bih ♬ Capcarap - Cunami Flo
