Младиот австралиски фудбалер Џош Каваљо на социјалните мрежи објави видео во кое јавно откри дека е геј.
Левиот бек на Аделејд Јунајтед напиша дека е подготвен да зборува за нешто лично за кое конечно му е удобно да зборува.
„Јас сум фудбалер и хомосексуалец“, вели Каваљо кој може да игра и во средниот ред.
„Сѐ што сакам е да играм фудбал и да ме третираат еднакво“, рече тој со солзи пред камерата.
Џош истакна дека е уморен од обидот да се однесува адекватно и да живее двоен живот, бидејќи тоа е исцрпувачки.
„Беше патување да се дојде до оваа точка од мојот живот, но не можам да бидам посреќен со мојата одлука да 'излезам'. Веќе 6 години како се борам со мојата сексуламост и мило ми е што конечно можам тоа да го тргнам настрана“, напиша Каваљо.
Каваљо од годинава е дел од Аделејд Јунајтед каде е тимски со колега со голманот Џејмс Делианов, Македонец од Австралија. Кариерата ја почна во младинските категории на Мелбурн Виктори, а на сениорско ниво настапувал и за Мелбурн Сити и Вестерн Јунајтед. Бил и репрезентативец на својата земја во У20 категоријата.