Фудбалерите на Јувентус и Интер останаа без топла вода синоќа во соблекувалните на стадионот Алијанц, па „Нераѕурите“ мораа да се вратат во Милано небањати, пренесува La Gazzetta dello Sport.
Проблем со системот за греење на стадионот „Алианц“ синоќа ги спречи фудбалерите на Јувентус и Интер да се истушираат по натпреварот од Серија А, поради што фудбалерите на Интер беа принудени да се вратат во Милано и да се искапат во своите домови.
„Нераѕурите“ пристигнаа во Торино вчера наутро и веднаш по натпреварот заминаа дома, но играчите веројатно не мислеа дека ќе треба да чекаат до тогаш за да се тушираат со топла вода.
Инаку, натпреварот на „Алијанц“ стадионот заврши нерешено 1:1.
Најпрво Душан Влаховиќ ги доведе домашните во водство, а израмни Лаутаро Мартинес. Двата гола беа постигнати во првото полувреме.
Интер и понатаму води во Серија А со два бода пред тимот на Масимилиано Алегри.
