Набргу по претставувањето на изгледот на футуристичката сценографија за претстојното 94-то доделување на Оскарите, корисниците на социјалните мрежи ја исмејаа поставката која содржи 90.000 кристали Сваровски и 5.000 линеарни стапки LED лента.
Кристали, вител и кругови го сочинуваат футуристичкиот изглед на сцената на Dolby Theatre каде ќе се одржи свеченото доделување на Оскарите, закажано за ноќта од недела кон понеделник, 27 март.
И покрај вештата конструкција на блескавата платформа создадена од сценскиот дизајнер и креативен директор Дејвид Коринс, корисниците на социјалните мрежи набрзина почнаа да критикуваат и да се шегуваат за футуристичкиот изглед на сцената.
Еден твитерџија ја спореди со атракција во забавен парк во Орландо, Флорида, а други се пожалија дека сликите од екранот им „се врти во главата“.
Многумина се пошегуваа дека сценографијата е преземена од некој научно-фантастичен филм како „Star Wars“.
Без оглед на сајбер впечатокот, Коринс - кој претходно ја постави сцената за Оскарите во 2019 година и дизајнираше сетови за ѕвезди како што се Канје Вест и Лејди Гага - вели дека неговиот авангарден сет за Оскарите треба да ѝ обезбеди на публиката увид во „постпандемскиот рај“.
„Создадовме портал што гледа кон иднината“, изјави Коринс за Architectural Digest откако ја нарече кризата на пандемијата на COVID-19 „неизбришливо, лудо, перверзно искуство“.
Тој понатаму рече дека неговата украсена орнаментика за Оскарите „се поврзува со неверојатно длабок и неверојатно напреден поглед на иднината“ и рече дека во иднина ќе тргуваме со валутата на елеганцијата и електричната енергија.
Блескавиот сет содржи над 90.000 кристали Сваровски кои ќе блескаат со сјај од 120.000 пиксели на LED светла и 5.000 линеарни стапки LED лента.
