Фудбал
КОПА ИТАЛИЈА 2019/20

Гатузо го пофали Елмас за играта против Лацио

22. јануари 2020 - 13:22 | Ф.З.

Наполи го исфрли Лацио од италијанскиот куп, а нашиот фудбалер одигра 23 минути за кои успеа го импресионира тренерот Гатузо.

Синоќа на „Сан Паоло“ Наполи го пречека Лацио во четвртфиналето од Копа Италија и го совалада со минимални 1:0 со гол постигнат уште во втората минута преку Лоренцо Инсиње.

Откако Џенаро Гатузо седна на клупата на „Партенопеите“, нашиот Елиф Елмас добива многу малку шанси за играње. Или седи на клупата за резерви, или влегува при крај. Одигра 90 минути само на претходниот куп натпревар со Перуџа.

Синоќа влезе во игра во 67. минута на местото на Хосе Каљехон, а тренерот Гатузо имаше пофални зборови за неговиот краток настап.

„Елмас имаше навистина одличен натпревар. Тој игра на средината, но исто така одигра одлично латерално. Би сакал да му честитам за неговиот настап. Неговото влегување во игра ни донесе освежување кога не ни одеше баш добро“, рече Гатузо.

Се надеваме дека во иднина Елмас ќе добива повеќе минути на теренот, како што беше случај под водство на Карло Анчелоти.

Коментирај