Играчот од средниот ред на Реал Мадрид, Каземиро во интервју за AS откри дека претседателот на кралскиот клуб, Флорентино Перес, има посебен прекар за славниот среден ред кој Бразилецот го прави заедно со Лука Модриќ и Тони Крос.
„Оваа екипа како да се создавала во Холивуд. Освојувањето на 5 титули во Лигата на шампионите за 8 години може да се опише како историско достигнување“, откри Каземиро на почетокот на интервјуто за AS.
Каземиро, Лука Модриќ и Тони Крос заедно беа дел од освојувањето на сите тие 5 титули, а Перес има свој прекар за нив.
„Тој нè нарекува Три тенори. Крос, Модриќ и јас заслужуваме да влеземе во историјата на овој клуб и да бидеме таму со години откако ќе ги завршиме нашите кариери“, додаде Бразилецот.
„Оваа последна титула ќе ја паметиме цел живот. Тоа е можеби најдобрата приказна што некогаш била раскажана во Лигата на шампионите“, заврши тој.