Според минхенскиот весник Süddeutsche Zeitung (SZ), Државното правобранителство на Сојузна Република Германија извршило претрес во просториите на Архиепископијата во Минхен. Станува збор за акција во рамките на која правосудните органи се обидоа да најдат доказен материјал во гонењето на скандалот за злоупотреба на малолетници од страна на црковни службеници, пишува Deutsche Welle.
Надбискупијата засега одбива да ги коментира пишувањата на германскиот печат. Иако Државното правобранителство не ја потврди експлицитно претресот, германските медиуми веќе тврдат дека станува збор за „правен земјотрес“ (T-Online.de) и дека „правната држава конечно ѝ покажа заби на Католичката црква“ ( Меркур).
„Како што е веќе познато, државното правобранителство во Минхен истражува повеќе од 40 случаи објавени од адвокатската канцеларија Westpfahl Spilker Wastl (WSW) на почетокот на август 2021 година, во кои (...) постои сомневање за несоодветно однесување на црковните службеници“, рече портпаролката на Државното правобранителство, Ан Лејдинг.
„Не можеме да дадеме никакви информации за истрагата која е во тек, но најверојатно ќе ги контактираме медиумите со информации за тоа по завршувањето на истрагата. Минхенскиот кардинал Рајнхард Маркс не е цел на истрагата, како што пишува SZ.
Во јануари 2022 година, адвокатската фирма WSW објави вештачење што предизвика бројни реакции. Експертското мислење е нарачано од Минхенската архиепископија-Фрајзинг и во него WSW доаѓа до заклучок дека на територијата на Архиепископијата имало најмалку 497 жртви на злоупотреба - односно најмалку 235 можни сторители. Исто така, се тврди дека реалните размери на скандалот веројатно се многу поголеми.
Како што пишува SZ, конкретна причина за претресот извршен на 16 февруари 2023 година бил случајот на свештеник кој оттогаш починал, а кој е поврзан со злоупотреби извршени уште во 60-тите години на минатиот век. Неговиот случај е спомнат и во документ произведен од WSW.
Минхенскиот весник тврди дека во текот на истрагата, германското правосудство се обидува да открие како одговорните лица (и највисоките црковни функционери) во Архиепископијата се однесувале со тој свештеник откако станало јасно каков човек е тој.
Ова е „прв и одамна потребен потег“, вака го коментираше претресот со судски налог експертот по црковно право Томас Шулер во изјава за dpa. Тој додаде дека ова е „пресвртница во односот меѓу државното судство и црквите“.
„Конечно, правната држава ѝ покажува заби на Католичката, но и на Евангелистичката црква“, рече тој.
Германското, а особено баварското правосудство, често беше мета на јавна критика поради начинот на кој се справи со скандалот околу злоупотребата на малолетници во црковните институции. Еден од најгласните приговори се однесуваше на тоа што Црквата практично беше оставена сама да ги истражува овие случаи, што, според мислењето на многу критичари, отвори можност многу злосторства да бидат прикриени.
За ова во интервју за DW зборува бискупот од Ахен Хелмут Дизер, кој неодамна ја презеде функцијата комесар на Германската бискупска конференција за испитување случаи на злоупотреба. Во исто време, Дизер исто така остро ја критикуваше самата Црква, тврдејќи дека има многу во Црквата чија примарна цел била да го прикријат, а не да го расветлат скандалот.
По објавувањето на информациите за претресот, излегоа претставници на организации кои ги бранат интересите на засегнатите лица, односно здруженија на црковни лаици во Германија.
„Ова е навистина важна акција. Се надеваме дека тоа е показател за промена на курсот на судството во однос на Црквата“, изјави за dpa Матијас Кач, портпарол на иницијативата Екигер Тиш. Но и веднаш додаде: „За жал, овој потег доаѓа предоцна за многу погодени луѓе“.
Во понеделникот (27 февруари), баварскиот премиер Маркус Содер (ЦСУ) ја критикуваше Католичката црква за долгогодишната неподготвеност да расветли случаи на злоупотреба: „Дефинитивно, се е предоцна и предолго трае“, рече тој. „Многумина, барем јас така мислам, од самиот почеток посакуваа побрз и потемелен процес“, истакна Седер.
Иако Минхенската надбискупија постојано нагласува дека соработува со правосудните органи, односно дека ги доставила сите релевантни документи до Државното правобранителство, експертот по црковно право Томас Шулер смета дека претресот има голема симболична вредност и покрај тоа што во текот на за оваа операција, како што пишува SZ, не се пронајдени нови докази:
„Судството во Баварија им покажа на другите сојузни држави како тоа се прави и покажа дека времето на размислување за црквите поминало кога станува збор за сомневање за сериозни сексуални казнени дела. Црквите не се држава во држава, тие немаат посебни права и мора да бидат третирани како сите други“, изјави Шулер за dpa.
