Германската влада нема да се согласи со планот на ЕУ со кој де факто би се забранила продажбата на нови автомобили со мотори со внатрешно согорување од 2035 година, изјави германскиот министер за финансии Кристијан Линднер.
За да се намалат емисиите за 55 отсто од нивото од 1990 година до 2030 година, Европската комисија предложи до 2034 година емисиите на јаглерод диоксид од новите автомобили да бидат намалени на нула.
Тоа значи забрана за продажба на автомобили со мотори со внатрешно согорување. Европратениците го поддржаа предлогот на Брисел овој месец, а преговорите со земјите од ЕУ за финалниот предлог-закон сега се во тек.
Германскиот министер за финансии во вторникот посочи пречка за планот. Сè уште ќе има побарувачка за мотори со внатрешно согорување, така што забраната е погрешна, рече Линднер на митингот организиран од Здружението на германската индустрија. Владата нема да се согласи со таков европски закон, рече германскиот министер за финансии, истакнувајќи дека Германија ќе продолжи да биде водечки пазар за електрични возила.