Пронајдено е телото на потполковник Роман Малик, кој беше одговорен за мобилизацијата во Русија.
Потполковник Роман Малик (49), кој беше одговорен за регрутација на луѓето во кампањата за мобилизација во Русија, за засилување на војската во Украина, е пронајден мртов. Неговото тело е пронајдено во семејната куќа во рускиот регион Приморски.
Роман Малик е пронајден обесен за ограда, пренесе британски Mirror. Според соопштение на полицијата, покрената е истрага за убиство иако можноста за самоубиство не е исклучена. Според The Times, корисниците на Телеграм се сомневаат дека станува збор за самоубиство, а роднините наведуваат дека бил самоуверен.
Малик бил задолжен за следење на наредбите на Москва за движењето на трупите во Украина.
Откако Путин го потпиша указот за мобилизација во септември, извештаите покажаа дека досега се регрутирани над 220.000 луѓе. Службениците за регрутација заедно со локалните полициски власти во многу случаи насилно ги одведоа мажите кои дадоа отпор на наредбите за регрутација.
Овој потег наиде на масовни протести, а имаше и инциденти. Дури 70 канцеларии беа нападнати со молотови коктели како знак на големата огорченост во Русија.