Министерството за хаџ и умрa на Кралството Саудиска Арабија соопшти дека оваа година аџилакот ќе го вршат сите верници од целиот свет кои не се постари од 65 години.
За Владата на Саудиска Арабија е од најголема важност да ја зачува безбедноста на аџиите и на сите посетители на Пророчката џамија, притоа дозволувајќи максимален број аџии од целиот свет да го извршуваат хаџот во мирна и духовна атмосфера.
За да го обезбеди тоа, Кралството Саудиска Арабија ги објави условите за овогодинешниот хаџ, во согласност со пандемијата на коронавирус.
За извршување на хаџот ќе биде потребен сертификат за вакцинација против коронавирус и тоа со вакцини одобрени од Министерството за здравство на Саудиска Арабија.
Исто така, верниците ќе можат да присуствуваат на хаџ со негативен ПЦР тест, не постар од 72 часа.
Минатата година хаџот можеа да го вршат само саудиски државјани, а бројот на верници беше ограничен на 60.000.
