Од 18 до 20 октомври во Љубљана, Словенија во хотелот Grand Union ќе се одржи 24 издание на фестивалот „Golden Drum“ – еден од најважните маркетинг настани во регионот кој на едно место ги собира најважните личности од оваа област. Фестивалот претставува „златна шанса“ за да се погледнат интересни проекти, кампањи, решенија, да се дознаат новитетите во маркетинг индустријата, трендовите, како и да се споделат искуства.
Сите заинтересирани агенции, огласувачи, медиумски и продукциски куќи кои сакаа да ги пријават своите проекти тоа можеа да го сторат до 18 август. Пријавените кампањи ќе бидат оценувани од две жирија составени од 22 членови.
Организаторот на фестивалот најави богата тридневна програма исполнета со интересна содржина и гостување на важни личности од индустријата кои ќе им го пренесат своето искуство на присутните. Меѓу предавачите оваа година се наоѓаат личности од маркетинг индустријата како што се: Бруно Бертели (Publicis Worldwide, Italy); Фернандо Вега Олмос (Picnic Madrid, Spain); Даниел Букумировиќ (VICE, Serbia) и Марко Кремона (Google, United Kingdom).
На фестивалот ќе бидат опфатени теми поврзани со „милениумците“, улогата на жените во индустријата, како се гради еден бренд, за моќта на музиката во маркетингот, односно нејзината правилна употреба, а целиот настан ќе бидат крунисан на 20 октомври кога ќе бидат доделени наградите.
За сите заинтересирани што сакаат да го посетат фестивалот, организаторот нуди неколку опции за регистрација. Посетете ја страната на GOLDEN DRUM и обезбедете го своето присуство на еден од највозбудливите маркетинг настани во регионот.