Goldman Sachs очекува златото со неговите реални двигатели на побарувачка да го надмине нестабилниот биткоин на долг рок.
Помалку е веројатно дека златото ќе биде засегнато од построгите финансиски услови, што го прави „корисна алатка за диверзификација на портфолиото“, особено затоа што е развиена нешпекулативна употреба на златото, додека биткоинот се користи за шпекулации, велат од Goldman Sachs.
Анализата на Goldman Sachsмпокажа дека трговците користат злато за заштита од инфлација и пад на доларот, додека биткоинот наликува на „ризични технолошки акции“.
Вредноста на биткоинот, кој банката го нарече „решение кое бара проблем“, произлегува од опсегот на неговите идни случаи на употреба во реалниот свет, што го прави понестабилно и шпекулативно средство од благородниот метал.
Додека подготвеноста на инвеститорите да ја истражуваат децентрализираната валута помогна во усвојувањето на биткоинот, банката предвидува дека финансиските услови ќе станат построги.
„Нестабилноста на биткоинот исто така се засилува со системски проблеми, бидејќи неколку главни играчи веќе поднесоа барање за стечај“, соопшти банката, наведувајќи го колапсот на криптоменувачницата FTX и хеџ фондот ZAS.
„Златото би можело да има корист од структурно повисоката макро-нестабилност и потребата да се диверзифицира изложеноста на акции“, додаваат од Goldman Sachs